kyaa huaa ik baat par barsoN ka yaaraanaa gayaa

Majrooh Sultanpuri's song in Teri Kasam (1982) inspired by Khatir Ghaznavi's (1925-2008) Ghazal

go zaraa sii baat par barsoN ke yaaraane ga_e
lekin itnaa to huaa kuchh log pahchaane ga_e

maiN ise shohrat kahuuN yaa apnii rusvaa_i kahuuN
mujh se pahle us galii meN mere afsaane ga_e

yuuN to wo merii rag-e-jaaN se bhii the nazdiik tar
aaNsuoN kii dhund meN lekin na pahchaane ga_e

vahshateN kuchh is tarah apnaa muqaddar ho gayiiN
ham jahaaN pahuNche hamaare saath viiraane ga_e

ab bhii un yaadoN kii Kushbuu zahen meN mahfuuz hai
baaraha ham jin se gulzaaroN ko mahkaane ga_e

kyaa qayaamat hai ki Kaatir kushta-e-shab bhi the ham
jab hui subah to mujrim hum hi gardaane ga_e


here is a rendition in Mehdi Hasan's voice