Wednesday 3 February 2010

charaaG dil ka jalaao bahut a.ndheraa hai

Firaq Gorakhpuri's exquisite Ghazal was an inspiration for a great filmi Ghazal written by Majrooh Sultanpuri.

sukuut-e-shaam miTaao bahut a.ndheraa hai
suKan kii sham'a jalaao bahut a.ndheraa hai

dayaar-e-Gam me.n dil-e-beqaraar chhuuT gayaa
sambhal ke Dhuu.nDhane jaao bahut a.ndheraa hai

ye raat vo ke suujhe jahaa.n na haath ko haath
Kayaalo duur na jaao bahut a.ndheraa hai

laTo.n ko chehare pe Daale vo so rahaa hai kahii.n
ziyaa-e-ruKh ko churaao bahut a.ndheraa hai

havaa_e.n niim shabii ho.n ki chaadar-e-a.njum
naqaab ruK se uThaao bahut a.ndheraa hai

shab-e-siyaah me.n gum ho ga_ii hai raah-e-hayaat
qadam sambhal ke uThaao bahut a.ndheraa hai

guzashtaa ahd kii yaado.n ko phir karo taazaa
bujhe charaaG jalaao bahut a.ndheraa hai

thii ek uchaTatii hu_ii nii.nd zi.ndagii usakii
'Firaq' ko na jagaao bahut a.ndheraa hai

For the film Chiraag(1960) Majrooh Sultanpuri used the same refrain - bahut a.ndhera hai.